विकासाच्या वाटेवर जाण्यासाठी प्रभाग क्र. १० मधील भाजपचे उमेदवार अमित भोईटे व रेहाना मोमीन यांना मोठे मताधिक्य द्या – सौं जिजामाला नाईक निंबाळकर

फलटण – फलटण शहर विकासाच्या वाटेवर नेण्यासाठी भाजपचे प्रभाग क्रमांक १० मधील उमेदवार अमित भोईटे व सौ रेहाना मोमीन यांना सर्वाधिक उच्चांकी मताने निवडून आणावे असे आवाहन माजी जिल्हा परिषद सदस्या सौं जिजामाला नाईक निंबाळकर यांनी केले.

 फलटण नगरपालिकेचे भाजपचे नगराध्यक्षपदाचे उमेदवार समशेरसिंह नाईक निंबाळकर व प्रभाग क्रमांक १० मधील भाजपचे उमेदवार अमित भोईटे व सौ रेहाना मोमीन यांच्या प्रचारार्थ सौं जिजामाला रणजितसिंह नाईक निंबाळकर यांनी प्रचार फेरी काढली त्यावेळी त्या बोलत होत्या.

 फलटण नगरपालिकेची यंदाची निवडणूक ही परिवर्तन घडवणारी निवडणूक आहे गेल्या 30 वर्षाच्या काळात राजे गटाकडे सत्ता असताना फलटणची किती दूरदशा झाली हे सर्व लोक बघत आहात.वर्षापूर्वी विधानसभा निवडणुकीत जनतेने परिवर्तन घडविल्यानंतर फलटण साठी आलेला मोठा निधी बघा आणि त्या माध्यमातून होणारे विकास कामे यामुळे तालुका निश्चितच पुढील काळात प्रगतीपथावर जाणार असून त्यासाठी सुद्धा फलटण नगरपालिकेत परिवर्तन होणे गरजेचे आहे. माजी खासदार रणजितसिंह नाईक निंबाळकर यांच्या नेतृत्वाखाली भाजप व राष्ट्रवादी काँग्रेसच्या सर्व उमेदवारांना मोठ्या मताधिक्याने निवडून देण्याचे आवाहन सौं जिजामाला नाईक निंबाळकर यांनी केले.

 प्रभाग क्रमांक १० मध्ये बहुसंख्य व्यापारी वर्ग मध्यमवर्गीय तसेच झोपडपट्टी मधील काही भाग येत असल्याने या सर्वांचा समतोल साधून प्रभाग क्रमांक १० विकासाच्या वाटेवर निश्चितच नेला जाणार आहे.या भागातून उभे राहिलेले अमित भोईटे व सौ रेहाना मोमीन यांचा जनसंपर्क दांडगा आहे सर्वांच्या सुखदुःखात ते सहभागी होत असल्याने प्रत्येक नागरिक त्यांना ओळखतो या निवडणुकीत नगराध्यक्षपदासाठी समशेरसिंह नाईक निंबाळकर हा विकासाची जाण असणारा चेहरा दिलेला आहे त्यांना व अमित भोईटे रेहाना मोमीन यांना मोठ्या मताधिक्याने निवडून देण्याचे आवाहन सौं जिजामाला नाईक निंबाळकर यांनी केले.घरोघरी काढण्यात आलेल्या प्रचार फेरीला यावी मतदारांकडून उस्फूर्त प्रतिसाद मिळाला.