दि ८ रोजी महिला दिन आणि रंगपंचमीनिमित्त माळजाई मंदिर फलटण येथे महिलांसाठी भव्य रंगपंचमी कार्यक्रमाचे आयोजन

फलटण – रक्षक रयतेचा महिला सामाजिक फाउंडेशन फलटण यांच्यावतीने लायन्स क्लब फलटण, माळजाई मंदिर उद्यान समिती फलटण ,गगनगिरी ज्वेलर्स फलटण, इंद्राक्षी कलेक्शन फलटण आणि आर. एम.डी.ऑटो कार्पोरेशन फलटण यांच्या सहकार्याने रविवार दि. 8 मार्च रोजी दुपारी 4 वाजता माळजाई मंदिर परिसरात महिलांसाठी भव्य रंगपंचमी कार्यक्रमाचे आयोजन करण्यात आले आहे.

       सदर रंगपंचमी कार्यक्रम हा फलटण मधील महिलांसाठी असून रंगपंचमी कार्यक्रमात लकी ड्रॉ द्वारे हजारो रुपयांची बक्षिसे महिलांना जिंकता येणार आहेत. गगनगिरी ज्वेलर्स फलटण तर्फे तीन आकर्षक बक्षिसे, इंद्राक्षी कलेक्शन तर्फे तीन पैठणी तसेच महिला दिनानिमित्त 25 स्वीट गिफ्ट लकी ड्रॉ द्वारे काढण्यात येणार आहे. कार्यक्रमास उपस्थित प्रत्येक महिलेला ज्येष्ठ उद्योजक हनुमंतराव मोहिते यांच्यातर्फे मसाले दुधाचे वाटप करण्यात येणार आहे. या कार्यक्रमास फलटण व पंचक्रोशीतील सर्व महिलांनी मोठ्या संख्येने उपस्थित रहावे असे आवाहन संयोजकातर्फे करण्यात आले आहे.