फलटण येथे येऊन ग्रामविकास मंत्री जयकुमार गोरे यांनी नूतन नगराध्यक्ष समशेरसिंह नाईक निंबाळकर यांचे केले खास अभिनंदन

फलटण – फलटण नगर परिषदेमध्ये सत्ता बदल करत भाजपची सत्ता आल्याबद्दल राज्याचे ग्रामविकास मंत्री जयकुमार गोरे यांनी फलटण येथे येऊन नूतन नगराध्यक्ष समशेरसिंह नाईक निंबाळकर यांचे अभिनंदन करून खास शुभेच्छा दिल्या.

 फलटण नगर परिषदेवर माजी खासदार रणजितसिंह नाईक निंबाळकर यांच्या नेतृत्वाखालील भाजपा राष्ट्रवादी काँग्रेसच्या आघाडीने चुरशीच्या लढतीत नगराध्यक्ष पदासह 18 जागा नगरपालिकेत जिंकून तीस वर्षांनंतर परिवर्तन केले आहे. नगराध्यक्षपदाच्या अटीतटीच्या लढतीत भाजपचे समशेरसिंह नाईक निंबाळकर यांनी शिवसेनेचे श्रीमंत अनिकेतराजे नाईक निंबाळकर यांचा 600 मतांनी पराभव केला ३० वर्षाची राजे गटाची सत्ता संपुष्टात आली या विजयाबद्दल खास फलटण येथे येऊन राज्याचे ग्रामविकास मंत्री जयकुमार गोरे यांनी समशेरसिंह नाईक निंबाळकर यांचा सत्कार केला. यावेळी माजी खासदार रणजितसिंह नाईक निंबाळकर, आमदार सचिन पाटील, सौ जिजामाला नाईक निंबाळकर, सौं मनीषाताई नाईक निंबाळकर, धनंजय साळुंखे पाटील विश्वासराव भोसले आदी उपस्थित होते.