कुशल संघटक,आदर्श शिक्षक,सामाजिक कार्यप्रेरक,कवी, मनमिळाऊ व्यक्तिमत्व – इम्तियाज तांबोळी

फलटण -आज आम्हाला आनंद आहे की आम्ही जिल्ह्याच्या शिक्षणक्षेत्रातील एक महत्त्वाच्या व्यक्तिमत्वाचा वाढदिवस साजरा करत आहोत.

इम्तियाज मुबारक तांबोळी हे जि. प. शाळा निंबोडी, ता. खंडाळा येथील उपक्रमशील शिक्षक, मनमिळाऊ व्यक्तिमत्व व तज्ज्ञ कवी; तसेच सातारा जिल्हा प्राथमिक शिक्षक संघाचे उपाध्यक्ष म्हणून त्यांचे संघटनात्मक योगदान वाखाणण्यासारखे आहे.त्यांनी शिक्षण, समाजसेवा आणि सांस्कृतिक क्षेत्रात केलेल्या कार्यामुळे अनेकांचे मन जिंकलं आहे.
उपक्रमशील शैक्षणिक दृष्टिकोन व
शिकवण्याची पद्धत त्यांनी पारंपरिक चौकटींपेक्षा वेगळी ठेवली आहे. विद्यार्थ्यांना विचार करायला प्रवृत्त करणारे उपक्रम, प्रयोगात्मक शिक्षण व स्थानिक संस्कृतीचा समावेश करून त्यांनी शाळेतील शैक्षणिक वातावरण अधिक प्रेरणादायी बनवले. त्यांच्या मार्गदर्शनाखाली विद्यार्थी आत्मविश्वासाने आपली शैक्षणिक वाटचाल करत असतात.सरांच्या मनमिळाऊ स्वभावामुळे पालक, सहकारी शिक्षक व विद्यार्थी सर्वांशी त्यांचा संवाद खुले आणि स्नेहपूर्ण असतो. प्रत्येक विद्यार्थ्याचे दुःख-सुख समजून घ्यायला ते तत्पर असतात. संकटसमयी त्यांचे धाडस व सूझबूझ अनेकांना आश्वस्त करते. शिक्षक संघटनात त्यांच्या नेतृत्वाखाली सहकार्य व ऐक्य वाढले आहे.
इम्तियाज सर हे एक संवेदनशील कवीही आहेत. त्यांच्या कवितांमध्ये ग्रामीण जीवन, शिक्षणाची महती, तसेच मानवी नात्यांची उबदार झलक दिसते. नुकतेच सातारा येथे संपन्न झालेले 99 वे अखिल भारतीय मराठी साहित्य संमेलनात कवी कट्ट्यासाठीही त्यांना सन्मानित करण्यात आले होते. विभागीय मराठी साहित्य सातारी कवी संमेलन, अखिल भारतीय मुस्लिम मराठी साहित्य परिषद व ग्रामीण मुस्लिम मराठी साहित्य संस्था यांच्या वतीने आयोजित काव्य संमेलन अशा राज्यस्तरावर संपन्न होणाऱ्या विविध साहित्य संमेलनात ते सहभागी होत असतात. राजमाता अहिल्यादेवी होळकर, युग स्त्री फातिमाबी शेख या संपादित काव्यसंग्रहात त्यांच्या कविता प्रसिद्ध झाल्या आहेत. नुकत्याच संपन्न झालेल्या राज्यस्तरीय चारोळी लेखन स्पर्धा, राज्यस्तरीय सुलक कथा लेखन स्पर्धा यात राज्यस्तरावर त्यांनी प्रथम क्रमांक पटकावला होता. काव्य लेखनाबरोबरच शेरोशायरी, चारोळी लेखन , लघुकथा लेखन साहित्याच्या या क्षेत्रातही ते आवडीने लेखन करत असतात. फलटण येथून प्रसिद्ध होणाऱ्या रक्षक रयतेचा या दिवाळी अंकाच्या निर्मितीसाठी ते सक्रियपणे कार्यरत असतात.त्यांच्या सामाजिक कार्याची दखल घेऊन महात्मा फुले गौरव पुरस्कारानेही त्यांना सन्मानित करण्यात आले होते.शैक्षणिक कार्यक्रम, सण-उत्सव आणि सांस्कृतिक संमेलने त्यांच्याविना अपूर्णच वाटतात. त्यांच्या लेखनातून स्थानिक संस्कृती जपली जाते व नवपीढीला प्रेरणा मिळते.
त्यांनी शिक्षक-समुदाय संबंध मजबूत करून बदली झालेल्या प्रत्येक शाळा व परिसरातील विकासाला गती दिली आहे.
विविध सामाजिक, सांस्कृतिक कार्यक्रमातून बहारदार सूत्रसंचालन ही तर इम्तियाज सरांची खासियत….आजच्या या विशेष दिवशी आम्ही इम्तियाज मुबारक तांबोळी सरांना मनःपूर्वक वाढदिवसाच्या शुभेच्छा देतो….! त्यांच्या आयुष्यात सदैव आरोग्य, आनंद आणि नवनवीन सर्जनशील उभारी लाभो. येणाऱ्या वर्षात त्यांनी शिक्षक, कवी आणि समाजसेवक म्हणून नवे उच्च शिखर गाठावे, हीच आमची सदिच्छा…!
शाळा आणि शिक्षक संघाच्या वतीने आपला दिवस आनंदाने आणि आदराने साजरा होवो; पुढील कार्यकाळात हीच प्रेरणा कायम राहो…!

मा.शशिकांत सोनवलकर अध्यक्ष, दुधेबावी ग्रामविकास प्रतिष्ठान, दुधेबावी.
ता.फलटण
जि. सातारा